Shtatë viktima dhe 591 raste të reja me COVID-19 në Kosovë

Instituti Kombëtar i Shëndetësisë Publike të Kosovës njoftoi se të enjten janë regjistruar shtatë viktima dhe 591 raste të reja me koronavirus.

Marketing

“Rastet e vdekjes janë nga komunat: Prizren 2 raste (78, 68 vjeç), Ferizaj 1 rast (68 vjeç), Gjakovë 1 rast (83 vjeç), Mitrovicë 1 rast (74 vjeç), Prishtinë 1 rast (70 vjeç) dhe Viti 1 rast (72 vjeç)”, thuhet në njoftimin e IKSHPK-së.

Sipas njoftimit, në 24 orët e fundit, 3.674 persona janë testuar për koronavirus në laboratorët shtetërorë dhe privatë.

Në 24 orët e fundit, janë shëruar edhe 386 pacientë.

Që prej 13 marsit, 2020 e deri më 4 mars, 2021 Kosova ka regjistruar 71.344 raste me koronavirus.

Prej tyre, 1.627 raste kanë përfunduar me fatalitet, ndërkaq 61.014 pacientë janë shëruar.

Raste aktive janë 8.703.

Marketing