Pothuajse gjysma e qytetarëve të Maqedonisë në referendumin e ardhshëm do të votojnë për marrëveshjen me Greqinë për ndryshimin e emrit të vendit, dhe rreth një e pesta kundër, sipas një sondazhi të Institutit Ndërkombëtar Republikan amerikan (IRI), shkruan portali TeSheshi.

Sipas anketës, e cila i paraprin referendumit që do të mbahet më 30 shtator, 13 për qind e të anketuarve ende nuk e dinë nëse do të marrë pjesë, ose nuk duan të flasin për këtë.

Gati dy të tretat e shtetasve maqedonas duan të zgjidhin mosmarrëveshjen e emrit me Greqinë dhe Maqedoninë për t’u bërë anëtare e BE dhe NATO.

Gjithsej 57 për qind e të anketuarve, nga të cilët 37 për qind të plotë dhe 20 për qind disi, mbështetën propozimin që Maqedonia të hyjë në BE dhe NATO nën emrin e ri “Republika Veriore e Maqedonisë”.

Pjesa tjetër, afro 38 për qind u shpreh kundër, nga të cilët 28 për qind ishin plotësisht, ndërsa 10 për qind pjesërisht.

Në të njëjtën kohë, mbështetja për anëtarësim në BE dhe NATO vazhdon të rritet. Numri i qytetarëve të Maqedonisë që mbështet anëtarësimin në BE është rritur për 83 për qind, një rritje prej gjashtë për qind në krahasim me muajin gusht 2017, dhe 11 në lidhje me mars të të njëjtit vit.