12 gushti për Lubotenasit është data që u rikujton atyre tmerrin e masakrave të vitit 2001. Mes frikës, tmerrit dhe memorieve të këqija, mbetet i paprekshëm kujtimi për 10 viktimat që humbën jetën 17 vite më parë.

Pikërisht për këtë arsye, sot ky fshat shënon përvjetorin e 17-të të masakrës së vitit 2001, të kryer nga forcat policore me urdhër të Johan Tarçullovskit, në kohën kur ministër i brendshëm ishte Lube Boshkovski. Bashkësia Lokale e Lubotenit, me këtë rast, organizon manifestim përkujtimor në hapësirat e shkollës së fshatit.

Kujtojmë se 17 vite më parë, një ditë para nënshkrimit të Marrëveshjes së Ohrit, më 12 gusht të vitit 2001, ndodhi masakra Lubotenit, ku u vranë 10 civilë të këtij fshati mes të cilëve edhe një fëmijë 6 vjeçar, Erxhan Aiu.

Viktimat e tjera të masakrës së Lubotenit janë edhe Dalip Murati, Muharrem Ramadani, Memet Memeti, Rami Jusufi, Xhelal Bajrami, Kadri Jashari, Bajram Jashari, Sulejman Bajrami dhe Atulla Qaili.

Artikulli paraprakSulm në Manchester, dhjetëra të lënduar
Artikulli tjetërLirohet reperi Action Bronson