Drake, Bad Bunny, Dua Lipa dhe The Weeknd janë ndër artistët më të transmetuar të vitit 2020, sipas shifrave nga Spotify.
Drake ishte artisti më i njohur në Mbretërinë e Bashkuar, duke kërkuar pozicionin numër një nga Ed Sheeran, shkruan BBC.
“Blinding Lights” nga The Weeknd ishte kënga më e transmetuar në Mbretërinë e Bashkuar, ndërsa “Divinely Uninspired To A Hellish Extent” nga Lewis Capaldi ishte albumi kryesor.
Bad Bunny ishte artisti më i transmetuar globalisht, duke grumbulluar 8.3 miliardë shikime.
Albumi i dytë i yllit Porto Rikan, YHLQMDLG shënoi 3.3 miliardë transmetime, pasuar nga “After Hours” i The Weeknd dhe “Hollywood’s Bleeding” nga Post Malone.
“Fine Line” i Harry Styles dhe “Future Nostalgjia” e Dua Lipës zunë përkatësisht vendin e katërt dhe të pestë.
Spotify tha se zhanri më i popullarizuar i vitit 2020 ishte muzika pop, duke pasqyruar një rritje të muzikës uptempo gjatë pandemisë.
