Strategjia 10 vjeçare, MPJ forcon rolin e kuvendit në politikën e jashtme

Përforcimi i rolit të kuvendit në politikën e jashtme, bëhet pjesë e strategjisë 10 vjeçare të ministrisë së jashtme. Ministri i jashtëm, Bujar Osmani konsideron se suksesi i brendshëm do të reflektojë edhe në politikat e jashtme në drejtim të eurointegrimeve.

Marketing

Sipas tij strategjia synon krijimin e parashikueshmërisë për cilëndo parti politike që të vazhdojnë veprimet në rrafshin ndërkombëtar.

“Për çështje të interesave shtetërore, për çështje të politikave të jashtme për të cilat qytetarët nuk kanë dallim, unë pres unifikim të qëndrimeve në kuadër të kornizës që duhet të jep kjo strategji e përbashkët. Qytetarët nuk kanë dallim sa i përket integrimit në BE, qytetarët nuk kanë dallim sa i takon integrimit në NATO, rolin e Maqedonisë së Veriut në kontekst rajonal, në kontekst multilateral dhe prandaj unë pres që ky vullnet konsensual i qytetarëve të përkthehet edhe në veprime konkrete të partive politike.” – tha Ministri i Punëve të Jashtme, Bujar Osmani.

Marketing