Pas ndërprerjeve disamuajshe për shkak të pandemisë së KOVID-19, prej dje pasdite në Manastir, vazhdon realizimi i projektit “Ballë për ballë me Presidentin”.
Siç kumtuan nga kabineti i presidentit, në suaza të vizitës në komunë, presidenti Stevo Pendarovski është takuar me individë të shquar dhe me përfaqësues të subjekteve juridike, të cilët me talentin e tyre dhe përmes implementimit të ideve të tyre kontribuojnë për zhvillim të Manastirit, por edhe të shoqërisë në përgjithësi.
Duke i bashkuar idetë e përbashkëta, Nikolla Tançevski dhe Zllate Veljanovski e realizojnë projektin për prodhimtari të nano bio polimerit. Në bisedë me presidentin Pendarovski, ata sqaruan se kjo përgatitje e lëngshme mundet në masë të madhe ta zvogëlojë aerondotjen. Nano bio-polimeri, siç potencoi Tançevski i absorbon dhe e parandalon emisionin e grimcave PM 2,5 dhe PM 10, të cilat krijohen gjatë kryerjes së punëve ndërtimore, ndërtimin e rrugëve ose nxjerrja sipërfaqësore e xehes. Këtë inovacion, kompania Bizifaj e prodhon nga polimerët ekologjik të burimeve të ripërtërira.
Presidenti Pendarovski e vizitoi edhe punëtorinë e Marjanço Atanasovski. Marjanço nga aparatet e vjetra, të papërdorura, përpunon pjesë të ndryshme ose aparate elektronike funksionale të kompletuara, këtë proces e incizon, ndërsa pastaj videot i publikon në kanalin e tij në Youtube. Hacktuber ka rreth 1,2 milion ndjekës, ndërsa videot e Marjanços deri tani gjithsej kanë 207,5 milion shikime.
Pjesë e pashmangshme “Ballë për ballë me Presidentin” edhe në Manastir ishte takimi me përfaqësuesit e mediumeve lokale dhe rajonale dhe me gazetarët “korrespondentë për mediumet kombëtare. Duke folur për sfidat aktuale me të cilat përballen, gazetarët i theksuan problemet financiare, si dhe zvogëlimi i rrjetit të korrespondetëve. Në takim presidenti Pendarovski shprehu mbështetje për mediumet dhe theksoi se duhet të ngritet vetëdija për njohuritë e mediumeve rajonale dhe lokale, duke e marrë parasysh rolin e tyre dhe kontributin për letërsinë mediatike, informimin në kohë dhe profesional për mjedisin nga i cili vijnë.
“Projekti “Ballë për ballë me Presidentin” u mundëson qytetarëve nga vendet e ndryshme në Maqedoninë e Veriut të kenë mundësi të takohen me presidentin Pendarovski dhe personalisht t’ia sqarojnë problemet, idetë për tejkalimin e tyre, sfidat me të cilat përballen çdo ditë, si dhe tregimet e suksesshme lokale të cilat shpesh herë kanë vlerë për të gjithë vendin dhe jashtë kufijve të saj.
