Komisioni për Arsim ka diskutuar lidhur me kërkesat e Këshillit Kombëtar Shqiptar nga vizita e përbashkët e realizuar në Luginë të Preshevës.

Më këtë rast u vendos që të thirret seancë e jashtëzakonshme për të hënën ku do të dilet me një vendim obligues për ndihmë Luginës së Preshevës.

Para se të merret vendimi për seancën e jashtëzakonshme, deputetët diskutuan për mënyrat e ndihmës.
Teuta Haxhiu nga AAK tha se kërkesat dhe nevojat e popullatës atje duhet të merren me seriozitet nga institucionet kosovare dhe ato të Shqipërisë:

“Ata kërkuan një fond për Luginën. Mënyra se si shkojnë mjetet ishte e vrazhdë përmes Shqipërisë dhe kalon periudhë njëvjeçare deri sa u shkojnë mjetet. Duhet të pyetet Shqipëria se pse shkon kjo kohë. Të hiqen procedurat se si shkojnë mjetet dhe tekstet”, tha ajo.
Po ashtu aty kishte kërkesa që të investohet në fushën e kulturës dhe thirret seancë e jashtëzakonshme.