Prefekti i Qarkut të Durrësit, Roland Nasto, në një prononcim për gazetarët është shprehur se paraqitet e qetë pas tre lëkundjesh tërmeti. Ai thotë se nuk ka dëme në njerëz vetëm disa dëme materiale në pallate dhe ndërtesa të vjetra.

“Situata është e qetë, nuk kemi dëmtime në njerëz. Kemi koordinim me të treja bashkitë. Kemi pasojë shumë të vogla, në banesa që kanë qënë të vjetra. Aktualisht po monitorojmë situatën dhe po kujdesemi me të gjitha institucionet. Jemi në gatishmëri të plotë,“-tha Nasto.