Për shtetasit e Serbisë, Kosovës, Malit të Zi dhe Bosnje e Hercegovinës gjatë hyrjes në vendkalim kufitar në territorin e vendin tonë prej sot do të kërkohet të paraqesin një vërtetim mjekësor me rezultat të testit negativ RT PCR SARS -CoV-2, i bërë 72 orë para hyrjes në territorin e vendit tonë. Në të njëjtën kohë, ata duhet të paraqesin një deklaratë të plotësuar me të dhëna personale në lidhje me vendin e vendbanimit dhe periudhën kohore të qëndrimit.
Këtë e vendosi Qeveria në seancën e djeshme, pas propozimit të bërë dje në mëngjes nga Komisioni për Shëndetësi, pas shqyrtimit të situatës aktuale epidemiologjike në këto katër vende dhe në përputhje me informacionet e marra nga autoritetet mjekësore në ato vende.
“Ky vendim dhe rekomandim i ynë është për shkak të të dhënave që kemi mbledhur ditët e kaluara, të cilat na kanë treguar pasqyrën e vërtetë epidemiologjike në të gjitha këto vende që ne i konsiderojmë si shumë më keq se tonat në këtë moment”, deklaroi ministri i Shëndetësisë i cili ishte në simulim për votim të sigurt në organizim të KSHZ-së.
Kjo masë, tha ai, vlen vetëm për qytetarët e këtyre vendeve, për shkak se tani në këtë moment është numri më i madh dhe qytetarët tanë mund të infektohen me koronavirus. Nëse ato vetëm kalojnë tranzit, atëherë mund të kalojnë kufirin pa test PCR.