Tevdovski: Po digjitalizohen shërbimet e DAP-it dhe Doganës për firmat

Kthim në kohë dhe jo-selektiv të TVSH-së përmes një moduli për kthim automatik, ndjekje elektronik të planeve për furnizime publike si dhe përpilim elektronik të deklaratave doganore dhe dokumenteve të akcizës. Ministria e Financave, së bashku me DAP-in dhe Drejtorinë e Doganave, vitin e kaluar ka punuar në digjitalizimin e proceseve me qëllim të përmirësimit të shërbimeve për qytetarët dhe kompanitë.

Marketing

“Drejtoria e të Ardhurave Publike ka krijuar Modul për kthim automatik të tatimeve ndaj gjithë tatimpaguesve. Qëllimi kryesor është kthim i saktë dhe në kohë i tatimeve ndaj tatimpaguesve”, informon ministri i Financave Dragan Tevdoski.

Moduli për kthim automatik siç thonë nga Ministria e Financave do të fillojë gjatë këtij viti.

Paralelisht, në drejtim të përmirësimit të shërbimeve për firmat, vitin e kaluar, Ministria ka punuar me Drejtorinë e Doganave në sistemin për menaxhim me deklarata doganore.
Sistemi për menaxhim me deklaratat doganore në fillim të shkurtit do të fillojë të zbatohet si pilot-projekti në 11 zyrave doganore, ndërsa nga mesi i vitit do të fillojë të zbatohet në të gjitha zyrat doganore në vend.

Sistemi për përpilimin e deklaratave doganore dhe dokumenteve akcizë do të mundësojë edhe këmbimin e të dhënave me institucione tjera, si për shembull, me Drejtorinë e të Ardhurave Publike gjatë parashtrimit të fletëparaqitjeve të TVSH me të cilat parashtrohen edhe deklaratat doganore apo me Entin për Statistikë dhe Bankën Popullore për të dhëna për eksport dhe import.

Marketing