Thaçi për AFP: Shënimi i kufirit Kosovë-Serbi nuk do të bëhet në vija etnike

Kosovo's new President Hashim Thaci looks on during the Presidential inauguration ceremony in Pristina, Kosovo April 8, 2016. REUTERS/Armend Nimani/Pool

Presidenti i Republikës së Kosovës, Hashim Thaçi, në një intervistë për AFP, ka thënë se “Do të punojmë bashkë të definojmë kufijtë, siç kemi bërë me Maqedoninë dhe me Malin e Zi, por nuk do të ketë kufij të bazuar në vija etnike”. Kreu i vendit ka thënë se Kosova do të mbetet multietnike, dhe se falë kësaj marrëveshje regjioni do të jetë më i sigurt. “Kosova do të mbetet multietnike , po ashtu edhe Serbia, popullata nuk do të zhvendoset. Regjioni do të jetë më i sigurt duke iu falënderuar kësaj marrëveshjeje”, u shpreh ai. Duke folur për takimin e fundit të zhvilluar në Bruksel, ai ka thënë se takimi ishte i vështirë, por i rëndësishëm për fazën përfundimtare të normalizimit të marrëdhënieve në mes të Kosovës dhe Serbisë.

Marketing

“Mendoj se tani është momentumi i duhur dhe lidershipi i duhur për arritjen e marrëveshjes”. E, një marrëveshje e tillë sipas tij duhet të jetë rreth “ njohjes së dyanshme të Kosovës dhe Serbisë, (a) marrëveshje ligjërisht obliguese, një mundësi për Kosovën të anëtarësohet në KB sepse Rusia do të tërhiqte veton në Këshillin e Sigurimit”, ka thënë presidenti. I pari i Kosovës, duke folur për themelimin e Forcave të Armatosura të Kosovës, ka thënë se “Forcat e Armatosura të Kosovës do të krijohen. Kjo është një marrëveshje e bërë” dhe se sipas tij “Çdo gjë që bëjmë do të jetë kushtetuese dhe ligjore, do të jetë një proces gradual, i koordinuar me partnerët tanë në NATO dhe SHBA”.

Marketing