Thirrje për ndërtimin e centraleve fotovoltaike, secili që ka tokë mund të aplikojë

Çdo qytetarë apo kompani që dëshiron të ndërtojë centrale fotovoltaike në tokë private, mund të aplikojë në projektin që do ta publikojë qeveria nga java e ardhshme. Thirrja publike do të jetë e hapur deri në shtator. Sipas zëvendëskryeministrit Koço Angjushev, nuk ka kufizime mbi madhësinë e tokave që pronarët duhet t’i posedojnë. Ata do të duhet vetëm ta konfirmojnë gjendjen e tyre financiare për ta zbatuar projektin.

Marketing

“Teorikisht 1 m2 mund të instalohet më së paku. Pasi që thuhet prej 0 deri 200 kilovat. Normalisht që askush nuk do të bëj kaq pak. Teorikisht nuk ka kufizime në minimale. Edhe në oborr mundet, gjithkund është e lejuar”, theksoi Koço Angjushev, zëvendëskryeministër për Çështje Ekonomike.

Ministri i ekonomisë Kreshnik Bekteshi deklaroi se në Maqedoninë e Veriut prodhohet energji e ripërtërirë rreth 18% nga shuma e gjenerimit të energjisë elektrike në përgjithësi.

“Për momentin kemi të instaluara rreth 18 megavat. Që nga pavarësimi i vendit e deri tani, vetëm 18 megavat janë të instaluara. Duke marrë parasysh resurset të cilat i kemi si shtet, ne kemi paraparë që këtë ta rrisim me 200 megavat vetëm nga qendrat e fotovoltaikve”, deklaroi Ministri i Ekonomisë, Kreshnik Bekteshi.

Ky prioritet zbatohet në sektorin e energjisë përmes politikave që mundësojnë promovimin e burimeve të ripërtërira të energjisë, si dhe promovimin e efikasitetit energjetik.

Marketing