Ambasadori i Francës në Maqedoninë e Veriut, Kristian Timonie, ka deklaruar se presin dritë jeshile nga presidenti francez, Emanuell Markon për të dhënë dritë jeshile për fillimin e negociatave me Bashkimin Evropian. Sa i përket vendimit të Gjermanisë, ai ka thënë se të dy shtetet kanë sistem të veçantë të vendosjes.

“Si çdoherë ne ndajmë shumë me partnerët tanë gjerman në këtë temë. Kemi qëndrim të mirë ndaj vendit tuaj dhe ndaj gjithë përpjekjeve që ajo i bënë në planin rajonal. Ne francezet dhe gjermanët e dimë se duhet edhe shumë punë për reformat që janë në letër të bëhen realitet”, ka thënë Timonie.

Ai ka shtuar se 27 shtete të BE-së do të diskutojnë, mund të sjellin vendime të mira, por kjo donë të thotë se është e nevojshme diskutim, shumë debat dhe kompromise.