Todorov: Si i falëm shqiptarët në 2001, duhet të pajtohen edhe maqedonasit mes vete!

Ish-ministri i Shëndetësisë Nikolla Todorov, në një intervistë për Kanal 5, tha se kryesia e VMRO DPMNE-së para anëtarëve të partisë thonë se janë kundër marrëveshjes me Greqinë, ndërsa para bashkësisë ndërkombëtare kanë qëndrime tjera.

Todorov për kryetarin e VMRO DPMNE-së Hristijan Mickoski, tha se është si peshë e rëndë që tërheq vetëm poshtë. Ai theksoi se nëse partia vazhdon në këtë mënyrë, do të humb edhe në zgjedhjet presidenciale.

Ai shtoi se qeveria aktuale nuk punon dhe se nuk ka përmbushur atë që ka premtuar.

Todorov foli edhe për tetë deputetë që votuan “pro” ndryshimeve kushtetuese, duke thënë se ka qenë vendim i tyre.

“Pas vitit 2001 maqedonasit i falën shqiptarët, shqiptarët i falën maqedonasit. A jemi aq të vogël sa një komb siç janë maqedonasit nuk mund t’i falin maqedonasit? Kjo është teza ime dhe me këtë isha te Zaevi. Unë po përpiqem ta shtyj këtë ndarje në një shoqëri që është ngritur dhe po kërcënon të shkatërrojë të gjitha, të zhduket”, tha Todorov.

evn