Tottenham kalon në çerekfinale, elimimon Chelsea-n edhe pa titullarët

Ndonëse me pjesën më të madhe të titullarëve në pankinë, Tottenhami ia doli të kualifikohet për në çerekfinalet e EFL Cup, pasi eliminoi Chelsean në një sfidë që u vendos nga penalltitë.

Marketing

Jose Mourinho ishte ankuar hapur për kalendarin, pasi të enjten Tottenham do të luajë edhe në Play Off-in e Europa Leagues, por ndonëse sot kurseu një pjesë të mirë të titullarëve, ia doli tē marrë një barazim 1-1 gjatë 90 minutave të kohës së rregullt.

Blutē e Londrës kaluan tē parët në avantazh, pasi shënuan me Timo Werner që në pjesën e parë, pas një pasimi të bukur të kroatit Mateo Kovaçiç.

Gjithsesi Tottenham ia doli të barazojë nē minutat e fundit të ndeshjes, me anë të argjentinasit Lamela, i cili u shërbye saktë në zonë nga blerja e re e merkatos, Sergio Reguilon, ndërsa nga penalltitë gaboi talenti i Chelseat Mason Mount.

Vijojnë të zhgēnjejnë blutë e Londrës, që pavarësisht merkatos së bujshme, po tregojnë shumë pak në fushë. Gjithsesi Lampard mund të ngushëllohet me paraqitjen mjaft të mirë të blerjes së fundit, portierit Mendy.

Marketing