Policia greke në Selanik dhe Kilkis arrestoi tre persona, shtetas grekë, anëtarë të një rrjeti kriminal që po transportonte armë dhe drogë nga Maqedonia e Veriut në Greqi. Janë sekuestruan 55,5 kilogramë kanabis të papërpunuar, pushkë automatike, mitraloz dhe 139 fishekë, ndërsa u identifikua edhe një anëtar tjetër, njoftoi korrespondentja e MIA-s nga Athina.
Më specifikisht, siç kumtoi policia greke, anëtarë të panjohur të grupit sollën tre qese me kanabis dhe armë në Greqi nga Maqedonia e Veriut, të cilat ia dorëzuan njërit prej të arrestuarve, dhe ai, në rajonin më të gjerë të Kilkis, dorëzoi çantat dy të arrestuarve të tjerë.
Të arrestuarit u drejtuan me dy automjete për në Selanik për t’i dorëzuar çantat e tyre një personi të katërt i cili është identifikuar por nuk është arrestuar, por është ndaluar nga policia.
Të tre shtetasit grekë u akuzuan për importimin dhe transportimin e drogës dhe armëve dhe policia gjeti dhe sekuestroi 55,5 kilogram kanabis të papërpunuar, një pushkë automatike, një mitraloz, 139 fishekë, tre automjete, 3.350 euro dhe telefona celularë.
Të arrestuarit u sollën para prokurorit publik dhe hetimi vazhdon për të gjetur anëtarët e tjerë të rrjetit kriminal.
