Presidenti i SHBA-së, Donald Trump, tha se po pret që të bëjë një njoftim zyrtar në javën tjetër se koalicioni që ka luftuar kundër militantëve të Shtetit Islamik ka rimarrë të gjithë territorin e mbajtur nga grupi ekstremist.
“Toka e tyre është zhdukur. Është një faktor i madh – vendi i tyre është zhdukur “, u tha Trump ministrave të jashtëm dhe zyrtarëve të tjerë të lartë nga 79 vende që kanë punuar së bashku me Shtetet e Bashkuara në luftimin e grupit militant në Siri dhe Irak.
Vendimi i Trump për të tërhequr forcat amerikane nga Siria ka shkaktuar kritika nga ligjvënësit republikanë dhe demokratë, të cilët kanë frikë se Shteti Islamik mund të rimarrë forcën e vet, raporton Reuters.
Një ushtar i lartë amerikan, Joseph Votel, tha në dëshminë e senatit të martën se grupi mund të përjetonte një ringjallje pas një tërheqjeje të Uashingtonit.
“Ushtria e Shteteve të Bashkuara, partnerët tanë të koalicionit dhe Forcat Demokratike të Sirisë kanë çliruar pothuajse të gjithë territorin e mbajtur më parë nga ISIS në Siri dhe Irak”, tha Trump në tubimin në Departamentin e Shtetit.
