Vaksina kundër gripit deri në fund të muajit, falas për grupet në rrezik

Vaksinat kundër gripit sezonal pritet të mbërrijnë në fund të këtij muaji, pas së cilës menjëherë do të filloj procesi i vaksinimit. Janë blerë 40.000 doza të katër llojeve të vaksinave të prodhuara nga “Sanofi Pasteur”, Francë (VAXIGRIP TETRA), informojnë për MIA-n nga Ministria e Shëndetësisë.

Marketing

Vaksinat, siç theksojnë, kanë për qëllim vaksinimin falas të grupeve të përcaktuara të rrezikut në vijim: personat mbi moshën 65 vjeç, personat me sëmundje kronike, profesionistët shëndetësorë, gratë shtatzëna dhe fëmijët e moshës 6 muaj deri në pesë vjet.

“Ashtu si në dy sezonet e mëparshme, të interesuarit do të jenë në gjendje të caktojnë vaksinim falas përmes mjekut të tyre amë. Për të shmangur ngarkesën shtesë mbi shërbimet epidemiologjike në qendrat e shëndetit publik, ku deri më tani është kryer vaksinimi kundër gripit sezonal, këtë vit ne po përgatisim plan veprimi që do të përfshijë pika shtesë të vaksinimit. Në këtë mënyrë, vaksinimi do të jetë më i arritshëm për qytetarët. Vaksinat komerciale kundër gripit sezonal blihen nga qendrat e shëndetit publik”, theksojnë nga Ministria e Shëndetësisë.

Marketing