Vaksina ndaj Kovid, BE bie dakord me ‘Moderna’për 160 milionë doza

Komisioni Evropian ka arritur një marrëveshje me kompaninë amerikane të bioteknologjisë “Moderna” për të blerë 160 milionë doza të vaksinës e saj kundër Covid-19, tha një zyrtar evropian për “Reuters”.

Marketing

“Moderna”, kompania bioteknologjike amerikane me bazë në Massachusetts, publikoi rezultatet e vaksinës së saj, të hënën e kaluar. Kjo vaksinë po zhvillohet në bashkëpunim me qeverinë e SHBA.

Ursula von der Leyen, njoftoi se Komisioni Evropian do të nënshkruajë nesër kontratën e tij të gjashtë për të blerë 160 milionë doza të vaksinës vaksinat së “Moderna”-s.

Presidentja e Komisionit theksoi se BE po ndërton “një nga ‘portofolet’ më të plotë të vaksinave për COVID-19” dhe shtoi se “vaksinat e sigurta dhe efektive mund të na ndihmojnë t’i japim fund pandemisë”.

Agjencia Evropiane e Barnave ka zbatuar një procedurë të shpejtë që e lejon atë të rishikojë të dhënat e sigurisë dhe efikasitetit të vaksinave sa më shpejt që ato të dorëzohen, përpara se të paraqitet një aplikim për autorizim nga prodhuesi.

Vaksinat Oxford / AstraZeneca, Pfizer / BioNTech dhe Moderna janë tre programet që aktualisht po vlerësohen nga EMA.

Marketing