Vazhdon protesta e dhunshme e serbëve në Beograd

Protestat që po zhvillohen në Serbi janë bërë edhe më të dhunshme pas orës 20:00 në Beograd.

Marketing

Qindra qytetarë kanë arritur para objektit të Kuvendit të Serbisë duke mbajtur një kryq të madh prej druri dhe flamuj me figurat e shenjtorëve serb.

Ata u ndalën rreth 30 metra larg kordonit të madh të policisë, teksa brohorasin ‘protestë paqësore’.

Sipas raportimeve të mediave serbe, të njëjtit po bartin edhe parulla kundër presidentit serb, Aleksandar Vuçiq.

Protestues të shumtë kanë përdorur gurë dhe pishtarë në drejtim të Xhandarmërisë serbe, të cilët më pas përdorën gaz lotsjellës.

Protesta është bërë edhe më e ashpër në mes qytetarëve dhe policëve të cilët gjenden në vendin e ngjarjes e të cilët po përdorin edhe dhunë fizike ndaj protestuesve.

E ngjashme ishte situata edhe mbrëmjen e kaluar, rrugëve të Beogradit.

Marketing