Seanca parlamentare mbi draft-amendamentet për ndryshime kushtetuese është paralajmëruar që do të vazhdojë edhe sot.
Kuvendi i Maqedonisë sot do të vazhdojë debatin për amendamentet e ndryshimeve kushtetuese që dalin nga marrëveshja e Prespës.
Gjatë debatit për ndryshimet kushtetuese deputetja Ane Llashkoska nga VMRO-DPMNE theksoi se ajo nuk do të komentojë asgjë nga teksti i propozim amendamenteve, sepse beson se Kushtetuta nuk duhet të hapet dhe ndryshohet, me qëllim që të ndryshojë emrin kushtetues të vendit, do të respektojë vullnetin e atyre që kanë dhënë besimin e tyre.
Ndërsa Nikolla Dimitrov duke ju replikuar deputetëve të opozitës, tha se në kontestin për emrin kishte tre çështje kryesore: emri, përfshirja dhe çfarë nënkuptonte çështja e identitetit, dhe frika kryesore ishte se shtimi i një mbiemri do të rrezikonte identitetin.
Ndërsa Syria Rashidi nga Aleanca për Shqiptarët theksoi se të gjithë aktorët politikë duhet të pajtohen që pa ndryshimin e emrit, ne nuk do të kishim ndonjë marrëveshje dhe kjo ishte arsyeja kryesore pse Aleanca për Shqiptarët e mbështeti marrëveshjen, pavarësisht se kishte ndonjë koment mbi përmbajtjen e saj.
