Edhe një pacient nga Skenderaj, i cili ishte i prekur me Covid-19 ka vdekur sot. Duke çuar kështu numrin e përgjithshëm në 115. Më herët janë regjistruar edhe dy viktima në Ferizaj si pasoj e koronavirusit.
Këtë e ka bërë të ditur kryetari i Degës së Partisë Demokratike të Kosovës në Skenderaj, Sami Lushtaku.
Lushtaku përmes një postimi në Facebook, u shprehi ngushëllime familjes Rushiti dhe të gjithë atyre që kanë humbur të dashurit e tyre si pasojë e koronavirusit.
Postimi i plotë i Lushtakut:
Si pasojë e virusit Covid-19, paska ndërruar jetë Haki Rushiti nga Prekazi. Duke e njohur që nga rinia, Hakiu ishte burrë shumë i mirë e i dashur për të gjithë. Ishte aktivist i palodhshëm e punëtor shumëvjeçar i shkollës “Azem Bejta” në Prekaz.
Ngushëllimet më të thella për familjen Rushiti por edhe për të gjitha familjet të cilat kanë humbur më të dashurit e tyre si pasojë e pandemisë së shkaktuar nga virusi Korona.
Gjatë këtyre ditëve duhet të jemi të disiplinuar duke zbatuar rekomandimet e IKSHPK-së për të bartur maska, duke ruajtur distancën e pastërtinë.