Vdes shoferi i autobusit derisa pushonte në Strazhë

Shoferi i një autobusi ka ndërruar jetë nga shkaqe të panjohura, derisa ka qenë në pauzë në rrugën magjistrale Kërçovë – Gostivar.

Sipas MPB-së Tetovë mbrëmë në qafën malore “Strazhë” ka vdekur G.D. (37) nga Shkupi, shofer i autobusit “Mercedes” me targa të Shkupit.

Sipas rezultateve të para, pasi që G.D. me autobusin ka ndaluar në pauzë në “Strazhë” i është përkeqësuar gjendja dhe ka rënë pa ndjenja. Mjekët nga Urgjenca e Gostivarit, të cilët ndërkohë janë thirrur, kanë konstatuar vdekjen e tij.

Prokurori publik dhe një ekip i Stacionit policor Gostivar ka kryer verifikim të plotë, ndërsa me urdhër të prokurorit publik, trupi i pajetë i G.D., i është dorëzuar familjes.