Mosgjetja e Sasho Mijallkovit që të vendoset para organeve të rendit, për opozitën maqedonase, VMRO-DPMNE-në paraqet dëshmi se ekziston koalicion kriminal mes partisë në pushtet, Lidhjes Socialdemokrate të Maqedonisë dhe Mijallkovit.
“Siç e dini, kur e larguam nga anëtarësia Sasho Mijallkovin, publikisht deklaruam se ekziston koalicion kriminel Zoran Zaev – Sasho Mijallkov, i cili jo vetëm këto 3 vjet, por 15 vjet punon në shkatërrimin e Maqedonisë”, tha Aleksandër Nikollovski nga VMRO-DPMNE-ja.
Ai thotë se shpërblimi i Zaevit për këtë shkatërrim, arriti këtë fundjavë, në mënyrë që Mijallkovit iu mundësua që të ikë nga drejtësia.
Ata i kanë dhënë kohë 24 orë që të gjejnë Sasho Mijallkovin, pasi siç thonë, nëse nuk ndodh kjo, do të dëshmohet se në Maqedoni sundon krimi.
Gjatë paraditës, lideri i kësaj partie, Hristijan Mickoski ka kërkuar dhe dorëheqjen e Qeverisë. Por, kryeministri Zoran Zaev ka deklaruar se fillimisht duhet të verifikohen lëshimet e pastaj të definohet përgjegjësia.
https://www.facebook.com/vmromakedonija/videos/824405298433096
