Futbollisti me origjinë kosovare, Xherdan Shaqiri, nëpërmjet një fotografie që ka postuar në faqen e tij zyrtare të Facebook-ut, u ka uruar besimtarëve myslimanë, festën e Kurban Bajramit.

Ylli 26 vjeçar filloi karrierën e tij në FC Basel përpara se të transferohej në Bayern Munich.

Në janar të vitit 2015 ai u transferua në Inter për një pagesë prej 15 milionë eurosh dhe shtatë muaj më vonë ai nënshkroi një kontratë prej 12 milion funtesh me ekipin Stoke City.

Gjatë muajit korrik të këtij viti, Shaqiri u transferua në Liverpool dhe është shprehur shumë i kënaqur me këtë ekip.