Zëvendëskryeministri i parë Grubi pranon uratat e para nga Shqipëria zyrtare (FOTO)

Zëvendëskryeministri i parë dhe ministër për Sistem Politik dhe
Marrëdhënie Ndërmjet Bashkësive, z.Artan Grubi e realizoi sot takimin e
parë me Ambasadorin e Republikës së Shqipërisë në vendin tonë z.Fatos
Reka.
Ambasadori Reka, në emër të Kryeministrit dhe Presidentit të Republikës
së Shqipërisë, i uroi z.Grubi formimin e Qeverisë dhe emërimin e tij në
detyrën e re, duke i uruar suksese në punë.
Me tej ai shtoi se dy vendet tona tradicionalisht kanë marrëdhënie të
mira dhe se ky bashkëpunimin i mirë do të thellohet edhe më shumë në të
ardhmen.
Republika e Shqipërisë dhe Republika e Maqedonisë së Veriut si vende
anëtare të NATO-s do të bashkëpunojnë në realizimin e projekteve të
përbashkëta në sfera të ndryshme, si dhe bashkëpunim në zbatimin e
reformave të nevojshme për anëtarësim në Bashkimin Evropian, ku synojmë
të dy vendet.
Nga ana e tij,zëvendëskryeministri i parë Grubi falënderoi për urimin
dhe  mbështetjen që vjen nga Tirana zyrtare dhe njëkohësisht shprehu
gatishmërinë për vazhdimin e bashkëpunimit.
Zëvendëskryeministri Grubi dhe ambasadori Reka diskutuan edhe për
organizimin e mbledhjes së dytë të përbashkët në mes dy Qeverive, të
Republikës së Maqedonisë së Veriut dhe Repubikës së Shqipërisë.

Marketing

Marketing